Izvrsni plasman naših učenika na literarnom natječaju „Ca je ča“ Gradske knjižnice Labin
Autor: Silva Tenčić, 19. 11. 2021.
Dana 17. 11. 2021. u Gradskoj knjižnici Labin održan je pjesnički susret nagrađenih sudionika te proglašenje pobjednika literarnog natječaja „Ca je ča“: MLAĐI RAZREDI - NAGRAĐENI 1. mjesto: "JESEN VA LABINE" Luka Mikuljan, 4. b r. OŠ Matije Vlačića Matije Vlačića Labin - mentorica Doris Golja 2. mjesto: "Bicikl" Karlo Rade, 4. r. OŠ Ivan Goran Kovačić Ćepić - mentorica Jasminka Zahtila 3. mjesto: "Moja nona" Sara Juran, 2. r. OŠ Ivan Goran Kovačić Čepić - PRO Kršan - mentorica Alenka Brenković STARIJI RAZREDI – NAGRAĐENI 1. mjesto: "REN VONKA" Maria Lucia Fonović, 6. a r. OŠ Matije Vlačića Labin - mentorica Silva Tenčić 2. mjesto: "MORE" Lukas Verbanac, 5.a r. OŠ Matije Vlačića Labin - mentor Dean Nestorović 3. mjesto: "KADA BIMO BILI BEŠTIJE" Reana Gobo, 5. a r. OŠ Matije Vlačića Labin - mentor DeanNestorović U nastavku možete pogledat video o proglašenju nagrađenih Gradske knjižnice Labin: https://www.youtube.com/watch?v=6GKDS085ec8 Čestitamo nagrađenim učenicima! Literarne radove nagrađenih učenika možete pročitati pod [više]
Jesen va Labine (1. nagrada - mlađi razredi)
Va Labine jesen je pocela.
Veje karvovo
ko jabuki na gronah.
Kostanji po glove i na tle,
tići se prontujo,
a otrocice i otrocići se igrojo.
Jesen je prišla,
leto je šlo.
I tako van je va mojen Labine.
Luka Mikuljan, 4.b
Ren vonka (1. nagrada- stariji razredi)
Da van pravin štorijo od mojega oca ko don danaska cujen:
Prideva son od školi doma i son se treba vadit, ma son bi štupido pa neson. Saki vrajži don bin gono matere ren vonka. I tako bi paso moj don.
Ren vonka, ren vonka – ca me je šajeta udrila za to ren vonka.
Tako son ja za školo bi lahkodelovac. Pa son sada vajka vonka, na ribarije, da ćepon kukovo ribo i prodon da bi moji deca imeli lepi život. Sada njin provljan to mojo štorijo da ne budo kako ja.
I, fala bogu, poli njih ni ren vonka.
Maria Lucia Fonović, 6.a
More (2. nagrada- stariji razredi)
More je moje življenje,
Onako plavo, freško, bistro, duboko…
Kada ren va more
i zapren oci
mojeh brigah više ni.
Zamen ariju, zaronin do dna
da z rukami i telon ticen
bogato dno od mora.
More mi vajka nešto regalo
jedon mići kamik ili dvo.
Bačin mi anke nekad do.
Va more son vajka kontenat.
More je moje življenje.
Lukas Verbanac, 5.a
Kada bimo bili beštije (3. nagrada - stariji razredi)
Kada bimo bili beštije,
ne bimo mogli
ćekulat s ljudi,
mogli bimo
samo s beštijami.
Kada bimo bili beštije,
se bilo drugošlje,
si bimo bili
inšempjani i strenjeni.
Kada bimo bili beštije,
nekada bi nan bilo zima,
nekada ne bimo jali ni pili.
Teško je bit beštija.
mi ljudi ne znomo
kuko bimo onda živeli.
Reana Gobo, 5.a
