MOTETOVI ŠKOLONI VA „DJEČJOJ REDUTI“
Autor: Sanja Škopac, 4. 2. 2020.
Koko i sako leto, toko i vo, na 1. febraja 2020. leta, mi deca i naše maještri Produženega boravka bili smo va „Dječjoj reduti“ ko je parićala Labinjonska kompanija – domoća folšarija. Jušto na polne robilo je portit z štacijona od korijeri do Zelenicah, ma radi slabega vremena se je va zadnji hip prehićeno va paleštru „Franko Mileta“.
Ma ki smo mi bili?
Ma ca smo mi bili?
Malo nas je bolje robilo pošpijat
i lahko je bilo se znat.
Motetovi školoni – bili smo mi,
kontenti, provi – propjo smo si.
Na 3. morca 500 let njegovega rojenja
ćemo feštiđat,
i zato se već sada robilo
lepo parićat.
I ca robi više co gonat?
Va librete piše se ono,
ca bite oteli znat!!!
Pred nami je novo vreme,
pustimo ća se probleme.
Homo toncat, homo se smejat
i semi će nan saki don lepce pasat!!!
A naši litrati će van se pokozat, cuda više od besedah...
Za kroj, oteli bimo se zafolit semi ki su nan pomogli da se tako lepo parićomo i prežentomo...
Jasna Tonello, velo Van fala ca nan vajka prontote materijol za monturi, jušto onako koko non robi. Fala Van za su pacijencu, ošto to robi zdurat.
Fala mame, ćaće, none, noneti...Fala semi ca ste toko vreda i lepo storili monturi i se drugo ca je robilo...Fala van ca ste nas kapili, bili z nami od pocetka do kraja, doli nan za su tu fadigu veli kuroj...
I znote ca...Cuda vas imamo radi!!!
Motetovi školoni
