LABINSKOJ REPUBLICI ZA 98. ROĐENDAN...SRETNO!!!
Autor: Sanja Škopac, 10. 3. 2019.
Priša je mesec morac...Zajno se cujemo bolje perke pridevajo lepci dnevi, prideva non mladoletak...Se non je lepce, va nami i vokole nas...Tepleje non je va srcah i va dušah perke to je mesec kada se z rišpeton spametimo seh našeh kovah, seh našeh kovari, karbona – tega crnega zlota ka je našemu kraju do jedon veli timbar...Spametimo se pasaneh dnevi i Labinske republike... Va ponedeljak, na 4. morca 2019. leta i mi deca 3. grupi Produženega boravka nošli smo lazno da se spametimo našeh nonići, našeh pranononići, seh oneh ca su svoju mladost, svoju forcu i sa svoj pot pustili tamo nedere, dimboko pod zemljo.
Prošećali smo se jedon đir do našega labinskega šohta, divertili se na sunci i provali se spametit sega ca su non naši stareji gonali o kovarskemu življenju...Koko je bilo, zoc je bilo i koko je moglo bit...
A lahki vetrić, ka nas je obahajeva pod šohton, šapićo je...
KOVA JE NASA!
SRETNO!
KOVA JE NASA!
SRETNO ZA 98. ROĐENDAN!!!
3. grupa Produženega boravka i maještra Marijana
