Ki ceka…ta doceka…ma neka se i malo… naceka…
Cetrtak, 30. antošnjaka 2025.leta – don kega ćemo se si domislit z veseljen, perke non je va školo priša Predrag Ljuna – Pepe, naš Labinjon, ka joko lepo zno sos, kantat, cuda tega interešanega provljat, ma i s nami se smejat.
A zoc non je priša?!?
On je cu pravit da nas pježo ona njegova kancona „Sto let“ još od kada smo je va prvoj klasi culi, smo bili moli, ma š nju toncat smo se zajno hitili.
Ma, ne samo to!!! Znomo mi i lepo kantat još jeno njegovo, o Marije i njenoj vosci
ka je otela poć š njo va školo.
I ca ćeš lepce, nego da non Pepe sope dokle mi kantomo…?!?
Samo da von recemo, da non propjo hodi kantat, kad nas ima ki z kitaro navigat.
Ja, ja…navadi nas je on još neke njegove kancone po labinjonski, ma anke i po merikonski.
A da znote ca smo se mi njega navadili?!?…Ajohhhh…Ma sacega…
I nikad ga ne bimo pustili da re ća od školi, perke propjo non je bilo lepo, munjenasto, veselo…ma jušto za 5!!! Ma za 105!!!
Ma je mora poć…
P.S. Siguri smo da smo mu napunili i glovu i uši …
Dragi naš barba Pepe, fala von, VELOOOO fala, za lepi don kega nikada nećemo pozobit…I sakakor…robite non opet prit!!!
Magari…zajno jutre…
Mi smo pronti…
deca 3.razreda i maještri Doris i Marijana
