BI JE POLI NAS....PREDRAG LJUNA PEPE
Autor: Sanja Škopac, 10. 12. 2015.
Zato, ca ovo leto na Produženemu boravku pensomo malo više bacelat z našu domoću besedu, va sredu na 9.božićnjaka poli nas je priša naš prvi gost – Predrag Ljuna Pepe. Prvo nego ca je zakanto na labinjonski, gono nan je kokov je bi koko otrok, kamo je hodi va školo, ka mu je bila maještra, ca ga je pježalo va škole, a ca ne...Pravi nan je da je prvo kitaro dobi od mami za rođendan kad je imo dvanajs let i da od onda do danaska sope. Zasopa nan je i otkanto „Albonu“, „Crni libar“, „Enco Englez“.
Ma anke mi smo mu malo pomogli, perke nas je propjo pitalo. Ljuna nan je pravi zoc je i koko napiso te kanconi. Za kroj nas je navadi jenu provu „bluzersku“ kanconu „Mary had a little lamb“ od jenega znonega merikonskega barbe Stevie Ray Vaughana, ma ne na engleški, nego na labinjonski – „Marija je imela vosco“. Perke, ko ne navadimo nic kantat z Ljuno, koko da muzikant nanke ni bi tu.
Ma nanke to nan ni bilo dosti. Imeli smo ga mi za pitat miljor i jeno stvor... Mora je on nami kantat još kanconah, one ca je on napiso, one merikonske ke ga pježojo...Najraje bimo mi bili da ostane z nami ma ne celi don, nego mesec don. Prvo nego ca je šo ća, mora nan se je semi firmat na horto J Hmmm, a Ljuna – ma on nan sakakor mora opet prit, perke nan mora zasos i otkantat još ku dobru rockersku stvor 
Se ca je lepo, krotko duro...ili vreda paso. 
Ma semi će ostat rikord na ova lepi don - nekemu na horte, nekemu va srce, nekemu va pensjeru...
A sada, na kraje moramo se zafolit...
DRAGI NAŠ LJUNA!!!
FALA VAN, CUDA VAN FALA...
Ca ste nan Vaše kanconi na labinjonski prežento
Seh nas nasmijo
Lepo nas zabovljo
Z mužiku nas kuntento
I seh nas raskanto
deca Produženega boravka
i
maještri Martina, Adriana, Marijana
