NOĆ OD ŠTRIGAH... HI...HI...HIIII...!!!!
Autor: Silva Tenčić Stemberger, 4. 11. 2015.
Ne pježo nas propjo vajka zadaće pisat, računat i maještri posluhat...Ma pježo nas zat baloton munjesat, z preteli gonat, po škole skokat i ja...najviše od sega co fešteđat. Tako smo i mi, na 30.otobra skupa z našemi maještrami profešteđali Halloween (koko to zoveju va Merike) ili ti po domoće Noć od štrigah. Va školo smo donesli naše monturi i smo se parićali, saki koko je ote i žele. Naše su nas maještri pomogle piturat i parićat. Bilo je tu cuda štrigah i štrigoni, vampiricah i vampiri, zombiji, duhi, gusari...sacega od cega bi vas va škuren bilo propjo stroh. Anke naše klase bile su pune stroha – po zidah su veseli duhi, cuki, perimiši keh smo z našemi maještrami storili pasani dnevi. Ma se je bilo brrrrrrrrrr...puno stroha!!! Tako maškarani i piturani toncali smo po škole, igrali se, smejali, cuda se zabovljali, kantali i bonboni jali...a zadaći ta don nesmo nanke tikali !!! Ovaaaaaa, ma koko nan je lepo bilo, to niki nanke ne zno – ki ni provo!!! Deca i maještri Produženega boravka
Alora, ko nas pitate koko nan je va škole na Produženen boravke, rešpondit ćemo van – LEPO!!!
