Domoća beseda va srce...
Autor: Silva Tenčić Stemberger, 26. 4. 2016.
„…Uzonci so luzuriji starini ca po žilah tece, bugatija ko moremo posejat va dušo svojeh dece da hi zavajka domisli kuko so nin stareji živeli, sako grudico svoje zemlji više ot zluta radi imeli…“ (Rina Miletić: „Uzonci našega kraja“) Da te uzonci štimomo i MI pokozali smo 25. avrila va naše librerije… Svirkom na meh Larija Viškovića otprli smo diskors o velen valoru domoće besedi ka se na so srećo se više cuje i o njej piše, a o ten nan je najveć gono Pino Knapić ka nan je danas prežento šćorico „Lesica tancunica i Domicine kokoši“ Mirande Škalamera Verbanac.. Sinjora Miranda nan je spjegala koko je priša vonka ta njejni libret ka je dizenjon rukon otrocice Leticije Trinajstić ma se šćorica more anke poslihat na CD… MI smo bili te sreći da nan je šćorico preštela štimana sinjora Rina Miletić ko smo radi poslušali i s njo poćakulali, ne samo za to šćorico, nego i za rikordi na pasana leta. Velo FALA našim gostima i knjižničarke… se speromo da cemo vreda nopet imet takovo uro domoće besedi med libreti… Učenici 5.a i 5.b razreda Učitelj Dean Nestorović
_resized.jpg)
