Nagrađeni učenici na literarnom natječaju "Ca je ča"
Autor: Silva Tenčić Stemberger, 21. 11. 2013.
3. mjesto u kategoriji mlađih razreda
Kruh pod crepnjo
Kruh na panjarole
je nona mesila,
voljala ga, obraćala
i dobro mastila,
digevat ga je pustila.
Nono je na ognjišće
ugonj važgo
i za kruh speć
crepnjo pronto.
Matija Kiršić, 3.b (mentorica Jadranka Franković)
2. mjesto u kategoriji starijih razreda
Vetar
Vetre moj, kede si?
Ne vidin te, ali te te moren cut.
Ne moren te tikat.
S tobon letin kako per.
Ne moren te pokusit.
Tvoj odor me digiva
ma ne moren te ćepat.
Ćutin te,
jedino me ti cuješ,
kad prez glosa vopin.
Anteo Šumberac, 6.b (mentorica Klaudia Blašković)
3. mjesto u kategoriji starijih razreda
Vrota
Sako jutro son na tvoja vrota zvonila
i kljuc ti nosila,
a ti si me zlamenala i
ja son va školo vesela šla.
Oko kući so rožice procvale
ma vrota se više neso oprle.
Kamo so te sure voci šle
samo vonjeli znojo.
Na grob son ti cera rožico parnesla
i sretan rođendan ti zaželela.
I neka so vrota škura i zaprta
zote so vrota srca mojega zavajka oprta.
Ivana Knapić, 7.b (mentorica Mirela Lepeš)
Pohvaljeni radovi koji su se čitali:
Moj tić
Priša son doma od školi
i nona mi je rekla
da više ni mojega tića.
Son se zapenso,
son misli, kamo je moga poć?
Ca je forši nekamor odlete,
ma onda son dozno
da je mojemu mošku va usta šo!
Goran Šime Stipanov, 3.b (mentorica Jadranka Franković)
Moja fameja
Da vi znote kuko je vecer va moje fameje,
Mat gleda Feriho
I onaput si moramo bit cito.
Otac, kad je vidi, kako da je vraga vide
I zajno mu se zaškuri pred vocijami.
A ca je s manon?
Ja son van na «fejse» vajka
I smiron gledan ku mi je ki co «lajka».
Ne znoš ko biš se smijo ili plaka
Danas van je tako diboto fameja saka.
Stella Garger, 6.b (mentorica Klaudia Blašković)
